O pasado sábado, os membros de Áurega vivimos intres verdadeiramente emotivos.
Rendemos unha pequena homenaxe á gran Begoña Ramos, (ex)presidenta, que deixou o seu cargo hai uns meses. Nunca poderemos expresar dabondo o noso agradecemento pola súa implicación, cariño e dedicación, que adicou á asociación dun xeito totalmente desinteresado. Grazas por ser luz!
Tamén nos acompañaron no peche do curso escolar 2024/2025 a concelleira de educación do concello de Narón, Olga Ameneiro López, e a vicerreitora do Campus Industrial de Ferrol, Ana Isabel Ares Pernas. Queremos agradecerlles a súa presenza e apoio!
Para rematar o ano, os nosos pequenos participaron nun obradoiro de impresión de camisetas con @Aloumiño e gozaron dun montón de xogos populares dirixidos por @Gazapo. Adultos e nenos tamén nos divertimos cun marabilloso cóctel nos xardíns do campus para rematar a xornada cun broche de ouro.