Hoxe queremos dar as grazas máis sinceras ó CEIP COUCEIRO FREIJOMIL , de Pontedeume.
O profesorado do centro estase a formar este curso no FPPP de atención á diversidade en TDAH e AC, e por este motivo, e co compromiso de conmemorar o Día Internacional das Altas Capacidades, convidaron a Áurega a dar a charla de formación compartida, familia-escolas : “Coñecemos que son e recursos para empregar”.
Tivemos a honra de poder falar das Altas Capacidades, dar a coñecer os servizos que ofrece a nosa asociación a este alumnado e ás súas familias, intercambiar impresións con algunhas das persoas asistentes, desde a nosa perspectiva; e insistir na importancia de transmitir a estes nenos e nenas que son vistos nas aulas, e que tamén importan. Axudarlles a desenvolver o seu potencial e talento é tarefa de familia e escola, e que exista unha unión contribúe ó seu benestar, para que acaden o seu máximo desenvolvemento como persoas.
Quixeramos agradecer enormemente a multitudinaria asistencia e a impresionante acollida, e incidir no bo facer dos docentes do colexio. Agradecer tamén o fermoso recuncho que teñen montado no centro, expoñendo materiais didácticos e educativos que contribúen a enriquecer as vidas dos rapaces e rapazas con Altas capacidades intelectuais, e son unha fantástica proposta para acompañar moi productivamente ós nosos peques.
De corazón, grazas por contar con nos no voso centro e por tender pontes, achegándonos ás vosas familias.